"Real" Alaba va Militao o‘rniga ikki yulduz markaziy himoyachi tanladi
"Real Madrid" ikki himoyachisi bilan xayrlashishi mumkin. Gap braziliyalik Eder Militao va avstriyalik David Alaba haqida ketmoqda.
"Football Transfers" xabariga ko‘ra, yuqorida tilga olingan futbolchilar jarohatga moyilligi yuqori bo‘lgani uchun "qirollik" klubini tark etishi mumkin. "Oqlar" Alaba va Militao o‘rniga ko‘rilayotgan ikkita himoyachini tanlab oldi. Madridliklar safiga kelasi yozda "Liverpul" vakili Virjil van Deyk va "Bayer" himoyachisi Jonatan Ta qo‘shilishi mumkin.
Ispaniya chempionatining joriy mavsumida "Real" 17 uchrashuvdan keyin 37 ochkoga ega. Karlo Anchelotti jamoasi La Liga turnir jadvalida uchinchi o‘rinni egallab turibdi.
