"Chelsi"ning sobiq futbolchisi "Korintians"ga o‘tishi mumkin

"Flamengo" markaziy himoyachisi David Luizga Braziliyaning ikki klubi qiziqish bildirmoqda.

Bu haqda italiyalik jurnalist Nikolo Skira X ijtimoiy tarmog‘ida (sobiq Twitter) xabar berdi. Manbaning xabariga ko‘ra, 37 yoshli futbolchining yanvar oyida amaldagi klubi bilan shartnomasi yakunlanganidan keyin "Korintians" va "Fortaleza" uni erkin agent sifatida o‘zlariga taklif qilishga tayyor.

David Luiz 2021 yildan buyon "Flamengo" safida to‘p tepadi. U avval "PSJ" va "Chelsi" kabi klublar sharafini himoya qilgan.