«Real»ga Virjil van Deyk kerakmi?
"Liverpul" himoyachisi Virjil van Deyk Madridning "Real" klubi uchun qiziqarli emas, deb xabar beradi Marca.
Ma’lumot uchun, gollandiyalik futbolchining "Liverpul" bilan amaldagi shartnomasi shu yilning yozida yakuniga yetadi. Shuningdek, Trent Aleksandr-Arnoldning ham shartnomasi tugash arafasida.
"Real" rahbariyati Aleksandr-Arnoldni bepul qo‘lga kiritish niyatida ekanligi sababli, ko‘pchilik Van Deykning ham transferi kuzatilishini taxmin qilgan edi. Xususan, jamoada himoya chizig‘idagi muammolar inobatga olinsa.
Biroq klub rahbariyati 34 yoshli himoyachini transfer qilishni maqsadga muvofiq deb hisoblamaydi. Madridda Van Deykning jahon darajasidagi futbolchi ekanligini tan olishadi, lekin yoshi katta himoyachini sotib olish, klubning muddatli himoya muammolarini hal qilmasligi ta’kidlangan.
Shu sababli "Real" yozda jamoaning uzoq muddatli istiqbollariga yordam beradigan yosh va iste’dodli futbolchini izlash niyatida.
