Saloh APL tarixiga kirdi
“Liverpul” hujumchisi Muhammad Saloh Angliya Premyer-ligasi rekordlarini qayta yozishda davom etmoqda.
Yakshanba kuni "Tottenxem"ga qarshi o‘yinda (6:3) misrlik futbolchi ikkita gol urdi va ikkita golli uzatmani amalga oshirdi.
Endi u chempionatda "gol+pas" tizimidan foydalangan holda 15+11 ko‘rsatkichga ega. Squawka ma’lumotlariga ko‘ra, Saloh Premyer-liga tarixida ketma-ket to‘rt mavsumda 10+ gol va 10+ assistga erishgan birinchi futbolchidir.
