Saloh Agueroning rekordini yangilash sari intilmoqda

“Liverpul” hujumchisi Muhammad Saloh Angliya premyer-ligasi tarixidagi xorijlik futbolchilar orasida eng yaxshi to‘purarlar reytingida uchinchi o‘rinni egallab turibdi.

Misrlik futbolchi yaqinda "Nyukasl"ga qarshi o‘yinda (3:3) dubl qayd etib, gollari sonini 170taga yetkazdi.

Ilgari bu ko‘rsatkichga faqat ikki nafar ingliz bo‘lmagan futbolchi erisha olgan - argentinalik Serxio Aguero (184) va fransiyalik Tyerri Anri (175).

Shu tariqa, Premyer-liga rekordini yangilash uchun «Liverpul» yulduzi 15 ta gol urishi kerak - bu joriy mavsumda sodir bo‘lishi mumkin.

Muhammad Saloh joriy mavsum Angliya chempionatida 14 turdan so‘ng 13 ta gol urib, to‘purarlar poygasida peshqadamlik qilmoqda va “Manchester Siti” a’zosi Erling Xolandni (12) ortda qoldirdi.