Saloh APL tarixidagi to‘purarlar ro‘yxatida 9-o‘ringa ko‘tarildi

Muhammad Saloh Jermeyn Defo bilan Premyer-liga to‘purarlar tarixida 9-o‘rinni egallab turibdi.

"Liverpul" vingeri bugun APLning 8-turi doirasida "Chelsi"ga qarshi o‘yinda (2:1) penaltini aniq amalga oshirdi.

Misrlik futbolchining hisobida Premyer-ligada xuddi Defo kabi 162 ta gol bor. Ular Robbi Fauler (163), Tyerri Anri (175), Frenk Lempard (177), Serxio Aguero (184), Endi Koul (187), Ueyn Runi (208), Xarri Keyn (213) va Alan Shirerdan (260) orqada.