"Manchester Siti" 15 yillik eng yomon natijasini qayd etdi
"Manchester Siti" shanba kuni yana o‘z muxlislarini xafa qildi.
“Aston Villa” mehmoni bo‘lgan Pep Gvardiola jamoasi 1:2 hisobida mag‘lub bo‘ldi. Natijada APLning o‘n yetti turidan so‘ng “Manchester Siti” bor-yo‘g‘i 27 ochkoga ega.
Stats Foot ma’lumotlariga ko‘ra, bu "Siti"ning 2009/2010 yilgi mavsumdan beri 17 liga o‘yinidan so‘ng eng yomon ko‘rsatkichidir.
O‘shanda, 15 yil oldin, "Siti" Premyer-liga mavsumining ushbu bosqichida 26 ochko to‘plagan edi.
