"Liverpul" darvozabon Kellexerni ijaraga yuborishi mumkin

"Liverpul" darvozaboni Kiuvin Kellexer jamoani tark etishi mumkin. TodoFichajes portali xabariga ko‘ra, mersisaydliklar klubi 26 yoshli irlandiyalik futbolchini "Lids"ga ijaraga berishi mumkin. Alissonning jarohatidan tiklanishi bilan Kellexerning o‘yin vaqti yana cheklanadi. Shartnoma darvozabonga muntazam ravishda o‘yin amaliyoti olish imkonini berishi mumkin.

2024/25 yilgi mavsumda Kellexer 13 ta o‘yinda maydonga tushib, 10 ta gol o‘tkazib yuborgan. Nufuzli Transfermarkt portali ekspertlari futbolchini 22 million yevroga baholamoqda.