APL klubi MLSdan markaziy himoyachi sotib oladi

«Bornmut» MLSning «Di Si Yunayted» jamoasidan yosh amerikalik markaziy himoyachi Matai Akinmboni bilan shartnoma imzolash borasida kelishuvga erishdi. Bu haqda «GivemeSport» xabar bermoqda.

Transfer summasi taxminan 2,5 million dollarni tashkil qiladi va qo‘shimcha bonuslarni ham o‘z ichiga oladi. Bundan tashqari, «Di Si Yunayted» futbolchining kelajakdagi sotuvining ma’lum foizini o‘zida saqlab qoladi.

Matai joriy mavsumda 13 ta o‘yinda maydonga tushib, bitta golli uzatmani amalga oshirdi.