Xyutter: "Arsena" dunyoning eng kuchli jamoalaridan biridir"
Adi Xyutter Chempionlar ligasi doirasidagi "Monako"ning "Arsenal"ga qarshi o‘yini oldidan fikr bildirdi.
"Hozirgi bosqichda "Arsenal" dunyodagi eng kuchli jamoalardan biri, ularning ro‘yxatida ko‘plab yulduzlar bor. Mikel Arteta murabbiy sifatida benuqson ish olib bormoqda.
Raqiblarning yelkasiga tushadigan bosim juda katta, ammo ishontirib aytamanki, biz ularga qarshi himoyaga o‘tirmaymiz. Biz Londonga eng yaxshi o‘yinimizni ko‘rsatish uchun ketyapmiz", - dedi “Monako” ustozi.
"Arsenal" - "Monako" uchrashuvi chorshanba kuni bo‘lib o‘tadi. 5 turdan so‘ng jamoalar Chempionlar ligasida 10 ochko jamg‘arib, mos ravishda 7 va 8-o‘rinlarni egallab turibdi.
