Vardi o‘ziga xos natija qayd etdi

"Lester Siti" hujumchisi Jeymi Vardi "Brayton"ga qarshi Angliya Premyer-ligasining 15-tur uchrashuvida gol urdi va golli uzatmani amalga oshirdi.

86-daqiqada Vardi gol urdi va 90+1-daqiqada esa assistentlik qildi.

OptaJoe ma’lumotlariga ko‘ra, Vardi 37 yoshu 332 kunligida Premyer-liga o‘yinida gol urgan va golli uzatma bergan ikkinchi eng keksa futbolchiga aylandi. Bu ko‘rsatkich bo‘yicha angliyalik "Manchester Yunayted"ning sobiq yarim himoyachisi Rayan Giggzdan keyin ikkinchi o‘rinda.

Giggz 2011 yilning dekabr oyida 38 yoshu 22 kunligida "Fulxem"ga qarshi o‘yinda gol urdi va ikkita golli uzatmani amalga oshirgan.