"Al-Hilol" Ronalduni sotib oladimi?

"Al-Hilol" bosh direktori Esteve Kalsada "An-Nasr" hujumchisi Krishtianu Ronalduning 15 iyundan 13 iyulgacha bo‘lib o‘tadigan 2025 yilgi klublar o‘rtasidagi jahon chempionati uchun sotib olinishi haqidagi savolga javob berdi.

"Bu ilmiy fantastikaga o‘xshaydi. Krishtianu Ronaldu bizning o‘yinchimiz emas, shuning uchun bu haqda biror narsa deyish qiyin. U hozir erkin agent emas, shuning uchun bu haqda gapirish unchalik yoqimli emas", dedi klub vakili.

Manba, shuningdek, "Al-Hilol"ning ustuvor vazifasi "Liverpul" vingeri Muhammad Salohni sotib olish ekanligini ta’kidlaydi.