«PSJ» qishda superhujumchi olib kelmoqchi
«PSJ» Viktor Osimxenga qiziqish bildirmoqda.
«RMC Sport» nashrining xabar berishicha, parijliklar Luis Enrikega bunday turdagi hujumchilar - klassik «to‘qqizlik» yoqmasligiga qaramay, «Napoli»ga tegishli bo‘lgan «Galatasaroy»ning 25 yoshli hujumchisini sotib olish imkoniyatini ko‘rib chiqmoqda.
Biroq ispaniyalik murabbiy yanvarda o‘z tarkibini kuchaytirmoqchi. Qishki oynada Osimxenning narxi yozga qaraganda ancha past bo‘ladi.
Randal Kolo-Muani jamoani tark etsa, «PSJ» hujum chizig‘ida bo‘shliq paydo bo‘ladi.
Jurnalist Daniel Rioloning ta’kidlashicha, Osimxenning transferi Parij klubida «jiddiy» muhokama qilinmoqda.
