Peti: "O‘ylaymanki, ertami-kechmi Mudrik muhim qaror qabul qilishi kerak"

"Chelsi" va Fransiya terma jamoasining sobiq yarim himoyachisi Emmanuel Peti "ko‘klar"ning ukrainalik vingeri Mixail Mudrik haqida o‘z fikrlari bilan o‘rtoqlashar ekan, 23 yoshli futbolchiga mos keladigan ingliz klubi nomini aytdi.

"O‘ylaymanki, ertami-kechmi Mudrik muhim qaror qabul qilishi kerak. U klubga ikki yil oldin kelgan va nima qildi? U o‘smayapti va faoliyatining qimmatli davrini yo‘qotmoqda, o‘ziga bo‘lgan ishonch pasayib ketdi. Mixail hozir 23 yoshda va u juda ko‘p vaqtni behuda sarf qilmoqda "Chelsi"dagi yangi sport yo‘nalishini hisobga olsak, uning klubda kelajagi borligiga ishonchim komil emas.

Ammo, menimcha, "Manchester Yunayted" Mudrik uchun ajoyib imkoniyat bo‘lishi mumkin, chunki u Ruben Amorimning shakllanishiga mos keladi. Uning 3-4-3 taktikasida u "Old Trafford"da markaziy pozisiyada hujumchi oldida o‘ynashga imkon berishi mumkin", - deya qo‘shimcha qildi afsonaviy fransuz.

Joriy mavsumda Mudrik “Chelsi” safida 15 ta o‘yinda maydonga tushib, 3 ta gol va 5 ta golli uzatmaga mualliflik qilgan.