Turkiya terma jamoasi bosh murabbiyi Gyulerning "Real"dagi holati haqida gapirdi

Turkiya terma jamoasi bosh murabbiyi Vinchenso Montella Arda Gyulerning "Real Madrid"dagi o‘rni haqida gapirdi.

"Biz Gyulerning kelajagini nazorat qila olmaymiz - "Real Madrid" qaror qabul qiladi. Futbolchilarimiz imkon qadar tez-tez o‘z klublarida o‘ynashlarini istayman, lekin bilasizki, "Real"da juda jiddiy raqobat bor", - deya Montella so‘zlaridan iqtibos keltiradi Madrid Universal.

Juma kuni Turkiya milliy terma jamoasi Millatlar ligasida Chernogoriya jamoasi bilan o‘z uyida o‘ynaydi.