Rasman! Lempard Chempionship klubi bosh murabbiyiga aylandi

Frank Lempard Chempionship vakili "Koventri" klubini boshqaradi.

Bu haqda ingliz klubi rasmiy saytida ma’lum qildi.

46 yoshli mutaxassis ikki yarim yillik shartnoma imzoladi va shu shanba kuni "Kardiff Siti"ga qarshi o‘yinda jamoani boshqaradi.

"Koventri" 17 ochko bilan Chempionship turnir jadvalida 17-o‘rinda bormoqda.

Eslatib o‘tamiz, Lempard bungacha ikki marta "Chelsi"ni boshqargan, shuningdek, "Derbi Kaunti" va "Everton" klublarida ham ishlagan.