Gresiya o‘z tarixida ilk bor Angliyani yengdi

Gresiya tarixda ilk bor Angliyani mag‘lub etdi.

Bu "Uembli" stadionida Millatlar ligasining 3-turida yuz berdi - 2:1. "Benfika" hujumchisi Evangelos Pavlidis o‘yinga qo‘shib berilgan 4-daqiqada g‘alaba to‘pini kiritib, dubl qayd etdi.

Ushbu o‘yingacha jamoalar 9 marta to‘qnash kelishgan - Angliya 7 marta g‘alaba qozongan, yana ikkita uchrashuv durang bilan yakunlangan.

Barcha 10 uchrashuvda to‘plar farqi 24:5 inglizlar foydasiga.