"Aston Villa" yosh futbolchisi bilan yangi uzoq muddatli shartnoma imzoladi

"Aston Villa" rasmiy saytida Morgan Rodjers klub bilan 2030 yilgacha mo‘ljallangan yangi shartnoma imzolagani haqida xabar berilgan.

22 yoshli hujumkor yarim himoyachi 2024 yilning qishida "Midlsbro"dan "Aston Villa"ga o‘tgan edi.

Morgan Rodjers joriy mavsumda klub safida 15 ta o‘yinda maydonga tushib, 3 ta gol urdi va 3 ta golli uzatmani amalga oshirdi. Uning klubdagi ajoyib o‘yinlari Angliya terma jamoasiga debyut chaqiruviga sabab bo‘ldi.