Niko Uilyams Ispaniyaga yordam bera olmaydi

Bilbaoning "Atletik" klubi hujumchisi Niko Uilyams Ispaniya terma jamoasining Millatlar ligasi guruh bosqichida bo‘lajak o‘yinlarida ishtirok etmaydi.

Hujumkor futbolchi mushaklari shikastlangani uchun maydonga tusha olmaydi. Qayd etilishicha, jarohat jiddiy emas, ammo shifokorlar futbolchining sog‘lig‘ini xavf ostiga qo‘ymaslikka qaror qilishgan.

Niko o‘rniga "qizil furiya"ga "Real Sosyedad" vakili Serxio Gomes taklif qilindi.