Messining tansoqchisi futbolchi tomon chopayotgan muxlisni katta tezlikda to‘xtatdi (video)
"Inter Mayami" klubi va Argentina terma jamoasi hujumchisi Lionel Messining shaxsiy qo‘riqchisi MLS doirasida "Toronto"ga qarshi o‘yinida noodatiy hodisada ishtirok etdi. Uchrashuv Toronto (Kanada) shahridagi “Bi-Em-O Fild” stadionida bo‘lib o‘tdi va 1:0 hisobida mehmonlarning g‘alabasi bilan yakunlandi.
Messining muxlisi o‘yin vaqtida maydonga yugurib kirib, argentinalik futbolchi tomon yugurdi. Biroq jahon chempioni qo‘riqchisi mashhur futbolchini himoya qilib, katta tezlikda yosh ishqibozga yetib oldi va uning yo‘lini to‘sdi. Muxlis Messi bilan selfi tushmoqchi bo‘lgan. Argentinalik futbolchi yigitni himoya qildi va birga suratga tushishdan bosh tortmadi.
