Benzema "Eng yaxshi yosh futbolchi" nominasiyasida kimlarga ovoz bergan?
"Al-Ittihod" hujumchisi Karim Benzema "Barselona" vingeri Lamin Yamalning o‘yiniga yuqori baho berdi. "Real Madrid"ning sobiq futbolchisi Kopa Trophy uchun ovoz berishda 17 yoshli ispaniyalik futbolchiga birinchi o‘rinni berdi.
Fransiyalik futbolchi ikkinchi o‘ringa “Real” a’zosi Arda Gyulerni, uchinchi o‘ringa “Manchester Yunayted” a’zosi Alexandro Garnachoni qo‘ydi, deya xabar bermoqda jurnalist Fabrisio Romano.
Bu safar sovrin Yamalga nasib etdi. Gyuler ham xuddi Benzema ovoz bergani kabi ikkinchi bo‘ldi. Uchinchi o‘rinda “Manchester Yunayted” yarim himoyachisi Kobbi Maynu edi.
