Nevill: "Liverpul" APL g‘olibi bo‘ladi deb o‘ylamayman"

"Manchester Yunayted"ning sobiq himoyachisi Gari Nevill "Liverpul" ustozi Arne Slotni maqtadi. Biroq Sky Sports mutaxassisi "qizillar"ning Angliya chempioni bo‘lishi mumkinligiga ishonmayapti.

"Menimcha, bu Arne Slott uchun ajoyib boshlanish bo‘ldi, u bunchalik yaxshi o‘tishini tasavvur ham qila olmasdi. Ko‘p o‘yinlarda ularni kuzatdim... Ular "Manchester Yunayted"ni mag‘lub etganlarida, albatta, mehmonda yaxshi o‘ynashdi, ammo "Vulverxempton" yoki "Chelsi"ga qarshi o‘yinlarda ular ishonarli emasdi. Ular xuddi shanba kungi "Brayton"ga qarshi o‘yinda bo‘lgani kabi, o‘z vazifalarini bajarishdi. Men o‘zim chempion jamoani kuzatayotgandek his qilmayapman", - dedi Nevill.

Eslatib o‘tamiz, 11-tur oldidan "Liverpul" 25 ochko bilan birinchi o‘rinni egallab turibdi.