"Koventri" klubga qariyb 8 yil murabbiylik qilgan Robinsni iste’foga chiqardi
"Koventri" bosh murabbiyi Mark Robinsni iste’foga chiqardi.
Klub chempionat turnir jadvalida 17-o‘rinda bormoqda. 14-turda "Koventri" o‘z maydonida "Derbi Kaunti"ga imkoniyatni boy berdi (1:2).
Robins jamoani yetti yil, sakkiz oy va bir kun boshqargan.
Faqatgina "Manchester Siti" ustozi Pep Gvardiola Angliyaning 4ta yetakchi divizionida undan ko‘proq vaqt davomida ishlagan. Ispaniyalik murabbiy 2016 yildan buyon "shaharliklar"ni boshqarib kelmoqda.
