"Real" Tchuameni o‘rniga kuchliroq futbolchi olib keladi

"Real Madrid" "Oltin to‘p" sohibi Rodri yoki "Chelsi" yarim himoyachisini sotib olishi mumkin.

Oldinroq "Liverpul" madridliklar yarim himoyachisi Orelyen Tchuameni bilan shartnoma imzolamoqchi ekanligi ma’lum bo‘lgandi.

Fransiyalik futbolchining sotilishi "Real"ga oktyabr oyi oxirida "Oltin to‘p"ni qo‘lga kiritgan "Manchester Siti" yarim himoyachisi Rodrini sotib olishga umid qilish imkonini beradi, deya xabar beradi jurnalist Sasha Tavolyeri. 28 yoshli ispaniyalik futbolchi tizzasidan olgan jarohati sabab mavsumning qolgan qismini o‘tkazib yuboradi.

"Real" Rodriga muqobil sifatida Argentina terma jamoasi safida jahon chempioni, "Chelsi"dan Enso Fernandesni ko‘rib chiqmoqda.