Van Nistelroy "Chelsi"ga qarshi o‘yin haqida fikrlari bilan o‘rtoqlashdi

"Manchester Yunayted" bosh murabbiyi vazifasini bajaruvchi Rud van Nistelroy "Chelsi"ga qarshi o‘yin oldi fikrlari bilan o‘rtoqlashdi.

"Bu katta o‘yin bo‘ladi. Hozir "Chelsi" juda yaxshi o‘ynamoqda, ularda o‘yin natijasini hal qila oladigan ko‘plab ajoyib o‘yinchilar bor. Natijaga erishish uchun eng yaxshi o‘yinimizni ko‘rsatishimiz kerak, aynan shuni xohlaymiz. Albatta, biz bunday raqibni hurmat qilamiz, shuning uchun g‘alaba qozonish uchun hamjihat bo‘lishimiz kerak.

Kubok bahsi bilan solishtirganda tarkibdagi o‘zgarishlar? Menimcha, ko‘p rotasiya bo‘lmaydi. Umid qilamizki, Eriksen o‘yinda ishtirok eta oladi, u bunga astoydil harakat qilmoqda", - deya van Nistelroyning so‘zlarini keltiradi klub matbuot xizmati.