Levandovski Vinisiusni ortda qoldirib, La Ligada oktyabr oyining eng yaxshi futbolchisi deb topildi

Robert Levandovski La Liganing oktyabr oyidagi eng yaxshi futbolchisi deb topildi.

"Barselona"ning 36 yoshli forvardi o‘tgan oy 3ta o‘yinda 7ta gol urdi: "Alaves"ga qarshi o‘yinda xet-trik va "Sevilya" va "Real"ga qarshi o‘yinda dubl qayd etdi.

Sovrin uchun kurashda Levandovski Vinisius («Real»), Antuan Grizmann («Atletiko»), Aleks Berenguyer («Atletik») va Mikel Oyarzabalya («Real Sosyedad»)ni ortda qoldirdi.

E’tiborlisi, mavsum boshidan buyon oyning eng yaxshi futbolchisi uchun beriladigan sovrinni "Barsa" futbolchilari uch marta qo‘lga kiritishgan. Avgust oyida Rafinya, sentyabrda esa Lamin Yamal ushbu sovrinni olgan edi.