"Real Madrid" nemis futbolchisi uchun kurashadi
"Bayer" yarim himoyachisi Florian Virs faoliyatini Ispaniyada davom ettirishi mumkin.
Insayder Florian Plettenbergning so‘zlariga ko‘ra, "Real Madrid" Virs uchun kurashga qo‘shilgan va futbolchining vakillari bilan muzokaralar olib borgan.
Qayd etilishicha, ispan klubi “Bayer” bilan hozircha aloqaga chiqmagan. 21 yoshli germaniyalik ko‘pchilik Yevropa gigantlari uchun asosiy transfer maqsadi hisoblanadi.
Uning Leverkuzen klubi bilan shartnomasi 2027 yilning 30 iyuniga qadar amal qiladi. Joriy mavsumda Florian Germaniya chempionatida sakkizta o‘yin o‘tkazib, to‘rtta gol urdi va bitta golli uzatmani amalga oshirdi.
