Yamal: "Tanaffusdan keyin raqibning charchagani sezilib qoldi"

"Barselona" vingeri Lamin Yamal "Real" 4:0 hisobida mag‘lub etilgach, o‘z fikrlarini bildirib o‘tdi. 

“Santyago Bernabeu” tomoshabinlari birinchi bo‘limda gol ko‘rishmadi, biroq tanaffusdan so‘ng Xans-Diter Flik shogirdlari mezbonlar darvozasiga to‘rt marta gol urishdi.

Robert Levandovski dublga erishdi, Yamal va Rafinya bittadan gol urishdi.

"Real" birinchi bo‘limda yaxshi o‘ynadi, ammo biz o‘z darajamizda emas edik. Rostini aytsam, tanaffusdan keyin ularning charchagani sezilib qoldi va shuning uchun biz qattiqroq bosishni boshladik", - dedi Yamal.