"Bavariya" Devis bilan muzokara o‘tkazmoqchi emas

"Bavariya" himoyachisi Alfonso Devis kelasi yozda jamoani tark etishi mumkin. Jurnalist Kristian Falkning so‘zlariga ko‘ra, Devis "Real Madrid"ga o‘tishni orzu qiladi.

Ta’kidlanishicha, "Bavariya" rahbariyati futbolchi bilan yangi shartnoma borasidagi muzokaralarda tanaffusga chiqqan, chunki ular unga so‘ralgan yiliga 20 million yevroni to‘lashni rejalashtirmayapti. Manbaga ko‘ra, klub Devis vakillari bilan muloqotni davom ettirmoqchi emas.

Agar himoyachi xizmatlariga qiziqayotgan "Manchester Yunayted" kanadalik talablarini qondirishga tayyor bo‘lsa, "Real" uchun jiddiy raqobatchiga aylanadi.