Palinya ko‘pchilikni hayratga soldi
"Bavariya" yarim himoyachisi Joau Palinya rafiqasi bilan ajrashmoqda.
Ularning birgalikda farzandi bor, bu, albatta, ajralish jarayonini murakkablashtiradi.
Palinya aliment sifatida oyiga 500 yevro to‘lashni taklif qilgan. Biroq portugaliyalik futbolchi oyiga taxminan 1 million yevro maosh oladi.
"Oyiga qariyb 1 million yevro maosh oluvchi futbolchi o‘z o‘g‘liga oyiga 500 yevro to‘lashni taklif qilishi hammani hayratda qoldirdi, ayniqsa onasi qachon ishga qaytishini hali ham bilmayotgan bir vaziyatda", dedi uning yaqin tanishi.
