«Liverpul» fransiyalik himoyachi bilan muzokara olib bormoqda

«Liverpul» kelasi mavsum uchun tarkibini kuchaytirish ustida ishlamoqda. "Transfer News Live" nashrining "Todofichajes" nashriga tayanib xabar berishicha, Angliya Premyer-ligasi giganti «Sevilya»dan himoyachi Loik Bade transferi bo‘yicha muzokaralarni davom ettirmoqda.

Loik Bade 24 yoshda. Nufuzli "Transfermarkt" portali mutaxassislari futbolchini 20 million yevroga baholamoqda. Himoyachi «Sevilya» safida 67 ta rasmiy o‘yin o‘tkazib, o‘z hisobiga 2 ta gol hamda jamoadoshiga bitta golli uzatma yozdirib qo‘ygan.

Eslatib o‘tamiz, «Liverpul» hozirda Angliya chempionati turnir jadvalida birinchi o‘rinda bormoqda.