"Real Madrid" Mbappeni jamoaviy suratidan o‘chirib tashladi(foto)

Madridning “Real” klubi Kilian Mbappeni reklama suratidan olib tashladi.

Bugun "Real Madrid" Adidas bilan birgalikdagi hamkorligini targ‘ib qilish uchun suratni e’lon qildi. Suratda "Real" hujumchisi yo‘q.

Shu bilan birga, Jud Bellingem tomonidan joylangan fotosuratda Mbappe mavjud.

Madrid matbuot kotibining aytishicha, suratdagi o‘zgarish Kilianning zo‘rlash ayblovlari bilan bog‘liq emas. Ta’kidlanishicha, tadbir Adidas tomonidan reklama qilingani va fransiyalik futbolchining Nike bilan shartnomasi borligi sababli suratni o‘zgartirishga to‘g‘ri kelgan.

Shu bilan birga, reklama kampaniyasida Nike bilan kelishuvga ega bo‘lgan Eduardo Kamavinga ishtirok etdi.