"Napoli" Garnacho uchun 40+5 million yevro taklif qildi

Alexandro Garnacho faoliyatini "Napoli"da davom ettirishi mumkin.

Neapolliklar jamoasi bosh murabbiyi Antonio Konte argentinalik futbolchini Xvicha Kvarasxeliyaga o‘rinbosar sifatida ko‘rayotgani avvalroq xabar qilingandi.

Jurnalist Alfredo Pedulla xabariga ko‘ra, italiyaliklar allaqachon "Manchester Yunayted" vingeri uchun 40 million yevro va 5 million bonus taklif qilishgan. Mankunianliklar 60 million funt sterling (taxminan 71 million yevro) olishni istashmoqda, biroq bu narx arzonlashishi mumkin.

Garnacho joriy mavsumda Premyer-ligada 19 ta o‘yinda maydonga tushib, 3 ta gol urdi va 1 ta golli uzatmani amalga oshirdi.