Laporta Olmo va Viktorni ro‘yxatdan o‘tkazish haqida: "Agar qoidalar to‘g‘ri qo‘llanilganda "Barselona" bu vaziyatdan qochib qutulishi mumkin edi"

Joan Laporta Dani Olmo va Pau Viktorning vaqtinchalik ro‘yxatga olinishi haqida fikr bildirdi.

"Mazkur Ispaniya Superkubogi ayrim futbolchilarni ro‘yxatdan o‘tkazish bilan bog‘liq mojarolar bilan birga bo‘ldi va xayriyatki, ular hal qilindi, futbolchilar murabbiy ixtiyorida.

Agar qoidalar to‘g‘ri qo‘llanilganda, biz bu vaziyatdan qochishimiz mumkin edi. Lekin fakt shuki, endi barcha masalalar hal bo‘ldi, ular finalda o‘ynashlari mumkin bo‘ladi", - dedi "Barselona" prezidenti.

Kataloniyaliklar yakshanba kuni Superkubok finalida "Real"ga qarshi o‘ynaydi.