Ronalduning "An-Nasr"ni tark etishini o‘ylayotgan sababi ochiqlandi
Portugaliyalik hujumchi Krishtianu Ronaldu "An-Nasr"ni tark etishni ko‘rib chiqayotgani ma’lum qilindi. Bu haqda "TEAMtalk" xabar bermoqda.
Bunga asosiy sabab – futbolchining klubning ambisiyalari borasida shubhalanishi. Ronaldu sovrinlar yutmoqchi va ayniqsa, Osiyo Chempionlar ligasida g‘olib chiqishni istaydi. Ammo, uning fikriga ko‘ra, "An-Nasr" tarkibi bu maqsadlarga mos kelmaydi.
Joriy Saudiya Arabistoni chempionati mavsumida Ronaldu 12 ta o‘yin o‘tkazib, 10 ta gol urgan va 2 ta assist qilgan. "An-Nasr" chempionat jadvalida to‘rtinchi o‘rinni egallab turibdi va yetakchi "Al-Ittihod"dan 11 ochko orqada qolmoqda.
Bundan avval OAVda "Al-Hilol" jamoasi yozgi transferlar oynasida portugaliyalik futbolchini o‘z safiga qo‘shib olishni rejalashtirayotgani haqida xabarlar tarqalgan edi.
