Amorim va’dasini buzmoqda

"Manchester Yunayted" bosh murabbiyi Ruben Amorim hujumchi Viktor Dyokereshni sotib olishni talab qilmoqda.

"Qizil iblislar"ning "Sporting Lissabon" yulduziga qiziqishi haqidagi ma’lumotlar avvalroq bir necha bor paydo bo‘lgandi.

Superdeporte xabariga ko‘ra, shvesiyalik futbolchining yanvar oyidagi transferiga Amorimning shaxsan o‘zi qiziqmoqda.

Eslatib o‘tamiz, "Manchester Yunayted" bilan shartnoma tuzgach, portugaliyalik murabbiy qishda "Sporting"dan o‘yinchilarni sotib olishni talab qilmoqchi emasligini aytgandi. Hozir esa u o‘z va’dasini buzmoqda.