Luis Enrike "PSJ"ning maqsadlarini ochiqladi
"PSJ" bosh murabbiyi Luis Enrike o‘zining yuksak ambisiyalarini ta’kidladi. Mutaxassisning fikricha, u 2024/2025 yilgi mavsumda barcha sovrinlarni qo‘lga kiritishga ahd qilgan.
"Mening ambisiyalarim har mavsumdagidek. Biz barcha sovrinlarni qo‘lga kiritishni istaymiz - bu bizning maqsadimiz. Albatta, bu juda qiyin, lekin biz ruhlanyapmiz" - dedi Enrike matbuot anjumanida jurnalistlarga.
"PSJ" 5 yanvar, yakshanba kuni mavsumdagi ilk sovrinni qo‘lga kiritishi mumkin. Shu kuni Luis Enrike shogirdlari Fransiya Superkubogi uchun "Monako" bilan kuch sinashadi. Kubok uchun kurash Qatarda bo‘lib o‘tadi.
