"Arsenal" yulduz futbolchi uchun 58 million yevro to‘lashga tayyor

"Arsenal" hujum chizig‘ini kuchaytirmoqchi. Football Transfers xabariga ko‘ra, London klubi "Atletik" klubi vingeri Niko Uilyamsni kuzatishda davom etmoqda.

"Kanonirlar" 22 yoshli futbolchini 58 million yevroga sotib olish variantini faollashtirishga tayyor. Ammo buning amalga oshishi uchun Uilyamsning o‘zi transferni ma’qullashi kerak.

2024/2025 yilgi mavsumda Niko Uilyams 23 ta o‘yinda maydonga tushib, ikkita gol urdi va sheriklari uchun beshta golli uzatmani amalga oshirdi.