Arteta Rays nima uchun o‘tgan o‘yinda asosiy tarkibiga kirmaganini tushuntirdi

"Arsenal" bosh murabbiyi Mikel Arteta "Brentford"ga qarshi APLning so‘nggi o‘yinida yarim himoyachi Deklan Rays nima uchun zaxirada maydonga tushgani haqidagi savolga javob berdi.

"Raysga kelsak, bu asosan u ko‘p futbol o‘ynagani uchun. Bu davrda biz to‘qqizta o‘yin o‘tkazdik, so‘nggi bir necha o‘yinda esa Raysda muammolar bor edi. Biz har bir futbolchining o‘yin vaqtini boshqarishimiz kerak va Rays bundan mustasno emas", dedi Arteta juma kuni bo‘lib o‘tgan matbuot anjumanida.

"Arsenal" Angliya chempionati doirasidagi navbatdagi o‘yinini 4 yanvar, shanba kuni safarda "Brayton"ga qarshi o‘tkazadi.