"Atalanta" asosiy himoyachisi bilan shartnomani uzaytirdi

"Atalanta" himoyachi Davide Dzappakosta bilan shartnomani 2026 yilning iyunigacha uzaytirdi.

Dzappakosta 2021 yilning avgustida "Chelsi"dan "Atalanta"ga ko‘chib o‘tgandi. Joriy mavsumda 32 yoshli italiyalik barcha turnirlarda 21 ta o‘yin o‘tkazib, 3 ta gol urdi va 3 ta golli uzatmani amalga oshirdi.

Avvalroq "Atalanta" yarim himoyachisiga "Manchester Siti" qiziqish bildirayotgani haqida xabar berilgandi.