Shevchenko: "Futbol - ukrainlar uchun shunchaki o‘yin emas, balki umid va matonat ramzi"

Ukraina futbol assosiasiyasi prezidenti Andrey Shevchenko Italiyaning Il Messaggero nashriga Ukraina futboli urush tufayli qanday muammolarga duch kelayotganini aytdi.

"Urush tufayli o‘yinlar juda qiyin bo‘lib qolmoqda, o‘yinlar minimal xavf ostida va ko‘pincha tomoshabinlarsiz o‘tkazilmoqda.

Biz uchun futbol shunchaki o‘yin emas, balki umid va matonat ramzi. UFA futbolchilar, murabbiylar va muxlislarni qo‘llab-quvvatlash uchun barcha imkoniyatlarni ishga solmoqda, bu qiyin davrda ham uchrashuvlar o‘tkazilishini ta’minlamoqda”, — dedi Shevchenko.

Ukraina hududida doimiy havo hujumlari tufayli futbol o‘yinlari tez-tez to‘xtatiladi va har doim ham uchrashuvni yakunlash mumkin emas. Xususan, UPLning 1-turida “Krivbass” – “Shaxtyor” o‘yini ham yakunlay qoldi.

Shuningdek, Ukraina klublari va terma jamoalarining xalqaro maydondagi o‘yinlari Rossiyaga qarshi urush tufayli Ukraina hududida o‘tkazilmaydi. Shu sababli UPLning bir nechta klublari Ukraina futbol xaritasidan yo‘qoldi.

Eslatib o‘tamiz, yaqinda Kiyevni keng ko‘lamli o‘qqa tutib, “Aleksandriya” va Ukraina terma jamoasi yarim himoyachisi Ivan Kalyujniyning oilasi jarohat olgan edi.