Qishda "Real" yangi transferlar amalga oshiradimi? Anchelotti javob berdi

"Real" murabbiyi Karlo Anchelotti matbuot anjumanida qishki transfer bozorida yangi o‘yinchilarni qo‘lga kiritishni rejalashtiryaptimi, degan savolga javob berdi.

"Men gapirishni xohlamayman, chunki hozir bu haqda gapirishning vaqti emas. O‘z tarkibimdan mamnunligimni hisobga olsak, nima bo‘lishini ko‘ramiz", - dedi Anchelotti jurnalistlarga.

3 yanvar, juma kuni "Real" Ispaniya chempionatining "Valensiya"ga qarshi mehmondagi o‘yinini o‘tkazadi. Kuzda bu o‘yin mintaqadagi dahshatli suv toshqini tufayli qoldirilgandi.