Rodri tiklanish vaqti haqida gapirdi

"Manchester Siti" yarim himoyachisi Rodri tiklanish vaqti haqidagi savollarga javob berdi. Kuzda ispaniyalik tizzasidan jiddiy jarohat olgan edi.

- Bu mavsumda yana maydonga tushishingizga ishonasizmi?

- Ha, ha, ha. Men o‘zimni bilaman. Men ijobiy munosabatda bo‘ladigan odamman. Aytishim mumkinki, hammasi yaxshi ketmoqda. Albatta, bu mavsumda yana o‘ynashni xohlayman.

- Millatlar ligasining final qismida Rodrini ko‘ramizmi? Yoki klublar o‘rtasidagi jahon chempionatidami?

- Ha, shunday deb o‘ylayman. Men hech narsani tasdiqlamoqchi emasman, biroq mening rejam biroz oldinroq maydonga qaytishga harakat qilish", - deya futbolchining so‘zlarini keltiradi AS.com