Karrager: "Menga Trent shaxs va futbolchi sifatida yoqadi"
Jeymi Karrager "Real"ning Trent Aleksandr-Arnoldni sotib olishga urinishi haqida gapirdi.
Oldinroq "Liverpul" himoyachini qishki transfer oynasida "Real"ga sotishdan bosh tortgani haqida xabarlar tarqalgan edi.
"2025-yilda "Liverpul" uchun eng muhimi — Premyer-ligada g‘alaba qozonish. Hech kimning kelajagi va shartnomalari unga to‘sqinlik qilmasligi kerak!
Menga Trent shaxs va futbolchi sifatida yoqadi, lekin uning atrofidagilar “Liverpul” rad etishini bilib, “Real”ga taklif bilan chiqishni maslahat berishlari mumkin edi", - dedi «Liverpul»ning sobiq futbolchisi.
