"Chelsi" safiga bu hafta yana bir yosh futbolchi kelib qo‘shiladigan bo‘ldi

Markaziy himoyachi Aaron Anselmino belgilangan muddatdan oldin "Boka Xuniors"dan "Chelsi"ga o‘tadi. Bu haqda insayder Fabrisio Romano ma’lum qildi.

Manba xabariga ko‘ra, joriy hafta oxirida argentinalik futbolchi Londonga yetib keladi va kelganidan so‘ng bir necha kun ichida Enso Mareska jamoasi bilan mashg‘ulotlarni boshlaydi.

Eslatib o‘tamiz, "Chelsi" Anselminoni shu yilning avgust oyida "Boka Xuniors"dan sotib olgan edi, biroq himoyachini joriy mavsumi oxirigacha Argentina klubida ijara asosida qoldirgan edi.