"Siti" nihoyat ketma-ket ikki o‘yinda birinchi bo‘lib gol urdi

"Man Siti" ketma-ket ikkinchi marta APL doirasidagi o‘yinda hisobni birinchi bo‘lib ochdi.

"Shaharliklar" 19-turda "Lester"ni mag‘lub etishdi (2:0).

Bundan avvalgi o‘yinda Pep Gvardiola shogirdlari "Everton" bilan durang o‘ynagandi (1:1). O‘sha o‘yinda ham ular 14-daqiqada birinchi bo‘lib hisobni ochishgan.

Sentyabr oyidan beri birinchi marta "Man Siti" Premyer-liganing ketma-ket ikki o‘yinida birinchi bo‘lib gol urdi.