"Yuventus" A Seriya 1-davrasida birorta o‘yinda mag‘lubiyatga uchramadi

"Yuventus" Italiya chempionatidagi mag‘lubiyatsiz seriyasini uzaytirdi.

Bugun Tiago Motta shogirdlari A Seriyaning 18-turida "Fiorentina" bilan durang o‘ynashdi – 2:2.

"Byankonerilar" joriy mavsum chempionatda hali birorta o‘yinda mag‘lub bo‘lishmagan. Ularda 7 g‘alaba va 11 durang bor.

Turinliklar 32 ochko jamg‘argan holda turnir jadvalida 6-o‘rinda bormoqda. Keyingi turda "Yuventus" "Torino" bilan derbi o‘ynaydi.