Gvardiola yangi yilda qaysi pozisiyalarni kuchaytirmoqchi?

"Manchester Siti" bosh murabbiyi Pep Gvardiola jamoaning qaysi pozisiyalari zudlik bilan kuchaytirilishi kerakligini tushuntirib berdi.

Yakshanba kuni “shaharliklar” APL 19-turi doirasida “Lester”ni mehmonda mag‘lub etishdi – 2:0. Angliyaning amaldagi chempioni uchun bu barcha turnirlardagi so‘nggi 14 o‘yindagi ikkinchi g‘alabadir.

"Biz ba’zi pozisiyalarni kuchaytirishimiz kerak. Muhim o‘yinchilar oylar davomida maydonga tushmasa, ishlar murakkablashadi.

Men markaziy himoyachilar mavsum davomida tayyor bo‘ladi deb o‘yladim, ammo muammolar bor edi. Himoya markazini va yarim himoyachi pozisiyasini kuchaytirishimiz kerak", – dedi Pep.