Yamal Messining o‘yinidagi qaysi jihat uni hayron qoldirishini ma’lum qildi
“Barselona” futbolchisi Lamin Yamal Argentina va “Inter Mayami” hujumchisi Lionel Messi haqida gapirdi.
“Messining o‘yin uslubida uning hamma narsani osonlik bilan bajarishi meni ko‘proq hayratga soladi. Qanchalik yaxshi o‘yinchilar bo‘lmasin, menimcha, unga o‘xshagan hech kim yo‘q. Faqat bitta Messi bor”, deya Yamalning so‘zlarini keltiradi Mundo Deportivo.
Ma’lumot uchun, Yamal 2023 yildan beri “Barselona”ning asosiy jamoasida o‘ynamoqda. Futbolchining Kataloniya klubi bilan shartnomasi 2026 yilgacha mo‘ljallangan. Ayni damda futbolchining transfer qiymati 150 million yevroga baholanmoqda.
Avvalroq “Barselona” vingeri Lamin Yamal to‘pig‘idan jarohat olgani haqida xabar berilgandi. Klub futbolchiga to‘liq tiklanib olguncha vaqt beradi.
“Inter Mayami” hujumchisi Lionel Messi Amerika klubini tark etib, “Manchester Siti”ga o‘tishi mumkinligi aytilgandi.
