Brunu Fernandesh bu mavsumda uchinchi marta qizil kartochka oldi. U Vidichning antirekordini takrorladi

Brunu Fernandesh bu mavsumda APLda uchta qizil kartochka olishga ulgurdi.

"Manchester Yunayted" APLning 18-turi doirasida "Vulverxempton" mehmoni bo‘lmoqda (0:1, ikkinchi bo‘lim).

Mehmonlar sardori ikkita sariq kartochka olib maydondan chetlatildi. U birinchi bo‘lib 18-daqiqada Mateus Kunyaga qo‘pollik ishlatgani uchun, ikkinchisini esa ikkinchi bo‘lim boshida qabul qilib oldi: yarim himoyachi to‘p uchun kurashayotganda Nelson Semeduning oyog‘ini bosib oldi.

Portugaliyalik futbolchi Nemanya Vidichdan keyin barcha musobaqalarda bir mavsumda uch marta qizil kartochka olgan ilk "Manchester Yunayted" futbolchisidir. "Yunayted"ning sobiq himoyachisi 2008/09 yilgi mavsumda uch marta qizil kartochka olgandi.

Fernandesh avvalroq 29 sentyabr kuni Premyer-ligada "Tottenxem" (0:3) va Yevropa ligasida 3 oktyabr kuni "Portu" (3:3) bilan o‘yinlarda qizil kartochka olgan edi.